இன்று மாலை திடீரென ஏற்பாடு செய்யப்பட்டிருந்த இலங்கைப் பதிவர்களின் சந்திப்பை முடித்துவிட்டு கணினியைத் திறந்த எனக்கு நடிகர் அஜித் மன்னிப்புக் கேட்கமாட்டேன், வேண்டுமானால் நடிப்பை விட்டுவிடத் தயார் என்ற செய்திதான் மகத்தில் அறைந்தாற்போல் முதலில் கண்ணில் பட்டது.
வீட்டில் அப்பா கமல் ரசிகர், அம்மா அஜித் ரசிகர். இதனாலேயே இந்த இரண்டு நடிகர்களின் படங்களை சிறுவயதுமுதலே பார்ப்பதற்குத் தவறுவதில்லை. எனக்கு கமலைப் பிடித்துப்போனாலும், திரையைத்தாண்டி அஜித்தைப்பற்றிய செய்திகளால் அஜித்தும் என் மனதில் சிம்மாசனம் போட்டுத்தான் அமர்ந்திருந்தார்.
எனக்குத்தெரிந்து இதுவரை அஜித்துடன் நடித்த நடிகைகள் எல்லோருமே அவரைப்பற்றி கூறியது “அஜித் ஒரு Gentleman” என்பதுதான். ஏன், ஏனய பிற நடிகர்கள் பலரும்கூட அவரைப்பற்றிக்கூறுவது ஒரு சிறந்த மனிதர். மனதில் எதையுமே வைத்திருக்கமாட்டார். வெளிப்படையாகப்பேசிவிடுவார் என்பதுதான்.
இந்த உண்மை பேசும் குணமே அவருக்கு ஆப்பாக அமைந்திருக்கிறது. அரசியல்வாதிகள் தூக்கிப்போடும் எலும்புத்துண்டுக்கு வாலாட்டும் கூட்டம் ஒன்றுகூடி உண்மை பேசியதற்காக மன்னிப்புக்கேட்கவேண்டுமென்று அறிக்கை விட்டிருக்கிறது. என்னைப்பொறுத்தவரை ஆமை புகுந்த வீடு போலத்தான் அரசியல் புகுந்த இடமும். கலையைக் கலையாக மதிக்கத்தெரியாதவர்கள்தான் இன்று உயர்ந்த அந்தஸ்தில் கலைஞராக, பெருந்தலைகளாக இருந்துகொண்டு கலையைக் கற்பழித்துக்கொண்டிருக்கிறார்கள்.
உண்மைபேச கற்றுக்கொடுத்த தமிழர் பரம்பரையினர் இன்று உண்மை பேசிய அஜித் தமிழன் இல்லை என்று வாய் கிழியக் கத்துகின்றனர். உண்மைகள் கசப்பாக இருந்தாலும் ஏற்றுக்கொள்ள முடியாதவர்களும், கலையை மதிக்கத்தெரியாதவர்களும் எவ்வளவு பெரியவர்களாக இருந்தாலும் சிறியவர்களே.
சினிமா அமைப்புக்களையும், இன்னபிற பெருந்தலைகளையும் வரிசையாக நிற்கவைத்து முகத்தில் காறி உமிழவேண்டும்போல் இருக்கிறது. நாசமாப் போங்கடே
![asal[5]](http://lh4.ggpht.com/_4dAv-W1l8-E/S21jpgvQ_dI/AAAAAAAAB9o/WJvhezLyzZE/s1600-h/asal%5B5%5D%5B3%5D.jpg "asal[5]")
![asal-050210[5]](http://lh5.ggpht.com/_4dAv-W1l8-E/S21jvLP_-vI/AAAAAAAAB94/ErahLruuiqM/s1600-h/asal-050210%5B5%5D%5B4%5D.jpg "asal-050210[5]")
