Headset கிறுக்கர்கள்

உண்மையிலேயே Headset கண்டுபிடித்தது வாகன ஓட்டிகளுக்காகத்தான். செல்போனில் பேசிக்கொண்டு வண்டி ஓட்டுவதால் accident அதிகமாவதால கண்டுபிடிச்சாங்க. உண்மயிலேயே நல்ல விசயம்.

ஆனா உணவுப்பொருட்கள் விலையேறும் இந்தக் காலத்துல Electronic சாமான்கள் விலையோ ரொம்பக் குறஞ்சுபோச்சு. இதனால ஆளாளுக்கு Radio, Music player இருக்கிற செல்போனைக் கையில வச்சுக்கொண்டு காதில Headsetஐ மாட்டிக்கொண்டு திரியிறாங்க.

நாங்க கம்பஸ்சிற்குப் போகும்போது கம்பஸ் பஸ்ஸில ஒண்ணாத்தான் போறது. ஒவ்வொரு நாளும் Trip போற மாதிரி இருக்கும். ஆனா இப்பல்லாம் அளாளுக்கு ஒரு Headsetஐ மாட்டிட்டு வந்திடுறானுங்க. கேட்டா அயன் பாட்டு மச்சான் சூப்பரா இருக்குடா என்றோ, இல்லை வெற்றியின் விளையாட்டுச் செய்தி கேட்கிறன்டா என்றோ கடுப்பாக்குவார்கள். இலங்கை அணி தோற்பதை திரும்பத் திரும்பக் கேட்கிறதில என்னதான் சந்தோசமோ?!

கொஞ்ச நாளுக்கு முன்னாடி கம்பஸ்சில Special lecture ஒண்ணு Arrange பண்ணியிருந்தாங்க. PHD முடிச்ச அம்மணி ஒருத்தர் சூப்பரா Slim laptop ஒண்ணோட வந்தாங்க. செல்போனால வர்ற கதிர்வீச்சால ஏற்படுற பிரச்சினையைப் பற்றிச் சொன்னாங்க. அதிலதான் PHD முடிச்சாங்களாம்.

அவங்க அதுக்காக எலிகளை எடுத்து அதுகளுக்கு 21 நாளுக்கு செல்போனில வர்ற கதிர்வீச்சை பட விட்டாங்களாம். அப்புறமா அதுகளோட மூளையை வெட்டிப் பாத்தாங்களாம். உண்மைதான். அவங்க காட்டின படத்துல எலியோட மூளையில வளமைக்கு மாறா சிவப்புப் புள்ளிங்க இருந்தது. அதுக்கு ஏதோ பெயர் சொன்னாங்க. எனக்குத்தான் ஒரு மண்ணும் புரியல. ஒருவேளை Medicine படிச்சிருந்தாப் புரிஞ்சிருக்கும். அப்படித்தான் மனுசனுக்கும் நடக்குமாம்.

அதுக்கு மாற்று வழியா அவங்க சொன்னது செல்போனில பேசிறப்ப முடிஞ்ச வரைக்கும் Headset இல்லன்னா Loudspeaker பாவிக்கறதுதான். அதோட முடிஞ்சவரைக்கும் 10 வயதுக்குக் கொறஞ்சவங்களுக்கு செல்போன் கொடுக்க வேணாம் என்டாங்க. அதோட Headset உம் 40 நிமிஷம் பாவிச்சா 10 தொடக்கம் 20 நிமிஷம் காதுக்கு Rest கொடுக்கச் சொன்னாங்க. இல்லன்னா செவிப்பறை பாதிக்கப்படுமாம். பாத்து நடந்துக்கங்க. ஏதோ தெரிஞ்சதைச் சொல்லிட்டன், அப்புறம் உங்க இஸ்டம்.

மகேந்திரசிங் தோனியும், எங்க ஆத்து மாமியும்!

இந்திய அணித் தலைவர் மகேந்திரசிங் தோனி எனக்கு பிடித்த கிரிக்கட் வீரர் என்பதை விட எனக்குப் பிடித்த மனிதர் என்றே கூறலாம். இவற்றையெல்லாம் கூறுவதால் நான் இந்திய அணியின் ரசிகனென்றோ இல்லை வெறியனென்றோ (இந்திய அணியின் ரசிகர்களுக்கு மட்டுமே இச்சொல் பொருந்தும் ) எண்ணிவிட வேண்டாம். என்னைக் கவர்ந்தது கிரிக்கட்டைத்தாண்டிய அவரது குணங்கள்தான்.

அவரது சிறந்த தலைமைத்துவம்தான் துவண்டுகிடந்த இந்திய அணியைத் தூக்கி நிறுத்தியது என்றால் அது மிகையல்ல. தலைமைத்துவம் எவ்வளவு கடினமானது என்பது பாடசாலையில் ஓராம் வகுப்பில் தொடர்ந்து ஒரு வருடமாக Monitor ஆக இருந்த எனக்குத்தான் தெரியும். யாரை எப்போது எங்கே எப்படிப் பயன்படுத்துவது என முடிவெடுத்து, இக்கட்டான நிலையிலும் அணியை வெற்றியை நோக்கி நடாத்திச் செல்லும் அழகே தனிதான்.

ஆட்டம் விறுவிறுப்பாகப் போகும்போதுகூட நிதானம் தவறாது, புன்னகை குறையாது இருப்பதென்பது ரசிகர்களாற்கூட முடியாத காரியம். அதுவும் அவரது வயதிற்கு அந்த முதிற்சி அதிகம் என்றே கூறலாம்.

அணியின் சீனியர்கள், மற்றும் அவரது எதிரணி வீரர்களை மதிக்கும் பண்பு அபாரம். எதிரணி விக்கட்டுகள் சரியும்போதும் பெரிதாகக் கொண்டாடாத தன்மை இந்திய அணிக்குப் புதிது. அதுவும் அண்மைய இலங்கை அணிக்கெதிரான இரண்டாவது ஒருநாள் போட்டியில் நடுவரின் தீர்ப்பு தனக்குச் சாதகமாக அமைந்தும் தனது மனச்சாட்சியின்படி வெளியேறியது அவரது நேர்மைக்கு எடுத்துக்காட்டு. ரசிகர்களின் மனதில் என்றுமே அவருக்கு இடமுண்டு.

எங்க ஆத்து மாமியோ இதற்குச் சில விடயங்களில் எதிரான குணம் கொண்டவர். எளிதில் ரென்சன் ஆவதில் வல்லவர். அடுத்தவர்களை நம்பாது தானே எல்லா வேலைகளையும் செய்துவிடுவார். அடுத்தவர் செய்தால் சரியாக வராதென்பார். ஒருநாள் இவரிடம் நகைச்சுவையாக மகேந்திரசிங் தோனியைப் பற்றிக் கூறினேன். அவர் எவ்வாறு உணற்சி வசப்படாதிருக்கிறார் எனக் கூறினேன். அதற்கோ அவர் கூலாக என்னையும் இப்படி T.V யில் காட்டும்போது நானும் அப்படித்தான் கூலாக இருப்பேன் என்றார். ஸ்ஸப்பா…. முதல்ல மாமாட்ட சொல்லி ஆத்தில நாலு வீடியோக் கமரா வாங்கி மாட்டணும்.