Wednesday, December 17, 2008

Autograph


பள்ளிப் பருவத்தின்- பழைய
செல்லரித்த பக்கத்தின்- இன்னும்
சிதையா நினைவுகள்...

குட்டி போடுமென்று
ஒற்றை மயிற்சென்றை
பாடப்புத்தகத்தில் பதுக்கிய நாட்கள்

பக்கத்துச் சீட்டு நண்பன்
பாத்தடிக்கக்கூடாதென்று- File coverஆல்
மடித்து மறைத்தெழுதிய நினைவுகள்

பகிர்ந்துண்ணும் பழக்கம்
பழகாத நாட்களில்
பறித்தெடுத்த நண்பனை
பார்த்திகழ்ந்த தருணங்கள்

பாலர் வகுப்புத்தாண்டி
பள்ளிக்கு வந்தபின்னர்
பார்ப்பதற்காய் ஏங்கிய
மகளிர் கல்லூரிகள்

விளையாட்டுப் போட்டிப் பயிற்சிக்காய்
விரைந்தோடி வரச்சொல்ல
குட்டிச் சுவர் தாண்டிக்
குதித்தோடிய சாகசங்கள்

வகுப்பறைப் பாடத்தை
பாதியில் விட்டு விட்டு
A/L day class இற்கு
எழுந்தோடிய நாட்கள்

எல்லாவற்றையும் இன்று
எண்ணிப் பார்க்கின்றேன்
ஏதோ ஒன்றை இழந்ததாய் உணர்ந்து..

0 comments:

Related Posts with Thumbnails
 

தரங்கம். Copyright 2009 All Rights Reserved | Privacy Policy