எனக்கேன் இந்த வேண்டாத வேலை?

நம் இருவரின் உறவையும்

ஒற்றை வார்த்தைக்குள்

பொதுவாக்கப் பார்க்கிறேன் நான்,

போ.. என்று விரட்டுகிறாய் நீ!

ஆறரை நிமிடத்திலேயே

வந்திடாதத சுனாமி - உன்

அரைநொடி கிரகணத்தால்

வந்தே விட்டது எனக்குள்!

உன் பக்தியால்

தினம் எனக்கு

அம்மன் தரிசனம்

பிள்ளையார் கோவிலில்!

உன்

ஒற்றை ரூபாய் பெறும்

பிச்சைக்காரனாய்

ஆகிவிடுகிறேன் நானும்.

எனக்காயும் நிற்பாயா

அரை நிமிடம்?




நீ

எவ்வளவு புறக்கணித்தும்

எதைத்தான் நான்

தேடிக்கொண்டிருக்கிறேன் உன்பின்னால்?

ஒருவேளை உன்னால் தொலைத்துவிட்ட

என் செமஸ்டரையா?